VED HOVDEVATNET

Hausten viser seg frå si beste side om dagen og

Hovdevatnet låg spegleblankt denne formiddagen og innbaud 

til fotografering. Gardane ein skimtar mellom trea er Ytrestøylen.

FLØ

Her lyt bileta tale for seg sjølv sidan høgrehanda er i gips for tida.

I HAUSTSKOGEN

Fine haustdagar innbyd til skogsturar og bærplukking.

Denne dagen var det tytebær vi gjekk etter.

Og det var heldigvis ikkje vanskeleg å finne.

3,5 kg var dagens fangst.

Med på turen var også kamera.

Flott utsikt mot Ytrehovden.

Det spisse fjellet til venstre i bakgrunnen
er Liadalsnipa.

Det er mykje rognebær i år.

Så gjenstår det å sjå kva slags vinter vi får.

Nokre seier at så mykje rogn -

så mykje snø vert det. Medan andre seier at

rogna ikkje skal bere to store bører

på eit år.

Men flotte er dei i allefall.

Få ting er vel så typisk haust som rognebær.

Eit einsleg tytebær

er ein dekorasjon i seg sjølv.

Dei nydelegaste vannliljer på Hovdevatnet!

Det bles friskt og bølgene laga eit fantastisk spel i vatnet!

 Enno litt blomar att i naturen.

Her er Blåknapp.

 Smørblome eller Engsoleie.

Godt mogne bringebær heng over vatnet.

BJØRKE

Bygda Bjørke som ligg inst i vakre Hjørundfjorden er heimbygda mi. Det er ei lita bygd som ligg klemt nedimellom høge fjell så langt inn i Hjørundfjorden ein kan kome. Bygda er fråflytningstruga og mange gardsbruk er ikkje lenger i drift. Skule,post og butikk er forlengst nedlagt og om vinteren er det ein ganske død plass. Men om sommaren vaknar bygda til liv! Eit av landets eldste og best bevarte gardstun, Bakketunet ligg her. Der er det kunstutstillingar og andre aktivitetar gjennom sommaren. Her er handverkskafe, antikk låvesalg, open gard og ein kan få guida fjelltur av bygdas eigen fjellguide. Sjølv har eg eit konsept som heiter Postkjellaren Tekstil&Nostalgi. Der sel eg mine sjølvlaga tekstilprodukt og i tillegg er der ei unik post-og telegrafutstilling. Så det er vel verdt å ta ein søndagstur til Bjørke! Dei fleste av desse har ope kvar søndag om sommaren.

Theese photos are from Bjørke at the beautiful fjord Hjørundfjorden.

HIMMELSKE DAGAR

Her har det nesten gått direkte frå vinter til sommar siste dagane. Med temperaturar på oppmot 25 grader har sommarfølelsen verkeleg kome! Desse bileta vart tekne på veg heim frå Bjørke i kveld. Dei to fyrste er frå Austefjorden og dei fire siste er tekne ved Berknes i Volda. Rettnok ein omveg på veg heim då - men slik går det når ein er på jakt etter fine motiv!

VAKKER VÅRKVELD

Etter ein ekstrem kald og sein vår var det veldig godt å kjenne litt varme i dag. Med temperatur oppmot 20 grader minna det meir om sommar enn vår!  Den fine kvelden vart nytta til hagearbeid. Utover kvelden vart himmelen finare og finare i nordvest medan ein regnboge kom til syne over himmelen i søraust.  Så då måtte eg skunde meg inn og hente kameraet så eg fekk knipse nokre bilete før regnet kom. Og akkurat i det byrja å verte mørkt kom regnet.